بعد طرح عمرو دياب أغنيته الجديدة ..تامر حسين :” كل أغنية ليا معاه بحس أنها أول عمل

نشر الشاعر تامر حسين صورة له برفقة عمرو دياب بعد طرحهما أغنيته الجديدة "اللي يمشي يمشي" وذلك عبر حسابه الشخصي على موقع" فيسبوك".

كتب تامر حسين :"أولاً الحمد لله على رد الفعل المُبهر والسريع ،ثانياً الراجل كل أغنية بتنزل معاه ليا ف أول السيزون ب أحس كأنها أول أغنية بينا ونفسياً ببقى زي الطالب اللي ف ثانوية عامة عندي ضغط وستريس إني أبقى متغير عن السنه اللي قبلها وأعمل أحسن ما عندي وأتفوق على نفسى وأضيف له حاجه في تاريخه الكبير اللي بعتز بيه وكُنا موفقين الحمد لله ف الاختيار ان الأغنية تشبه مشاعر وتجارب كُل البنى أدمين ومست قلوب الجميع عملنا سرد لمجموعة من الناس ونماذج في حياتنا جميعاً.

أضاف :" ودى يمكن أول مرة نعمل zoom على التفاصيل دي وربنا وفقنا أنا ومدين وتوما ومهندس الصوت المُخلص أمير محروس وصديقنا اندرو داود اللي سجل الغُنا هو وشيري شُكرى الناس كُلها اشتغلت ب حُب وإخلاص ، لنجم كبير كُلنا عارفين ومقدرين قيمته والمسؤولية اللي عليه أمام جمهور كبير وعظيم يستحق كُل التقدير والاحترام شكراً عمرو دياب اللي حقيقي بنزوله بيفتح السوق للكُل وبيعمل روح ومُنافسه شريفة تفيد المُستمع وشكراً للجمهور المحترم اللي بيفهم ويحس ب الأغنية الحلوة وبيقدر صُناعها، وحقيقة انا بعتبرها من أهم اغانيا مع الفنان عمرو دياب