محمود المهدي يكشف لأول مرة ببرنامج ”ضرب نار” سبب انفصاله عن منه عرفة

كشف محمود المهدي، سر انفصاله عن الفنانة منه عرفه، قائلا: "انفصلنا بسبب نقابة المهن الموسيقية، والنقابة كان لها دور كبير فى الانفصال، ومنه فى مرة جالها مكالمة بسبب تصريحاتي في النقابة وكنت جنبها ونصحها الشخص اللي بيكلمها لو فضلت مع جوزك بعد تصريحاتي مش هتكملي في موضوع الفن".

وأضاف محمود المهدي، خلال حواره ببرنامج "ضرب نار"، مع الإعلامية داليا فؤاد، على قناة القاهرة والناس، أن المكالمة كانت تتلخص في "ابعدي عن محمود عشان تصريحاته"، مؤكدا أن ما يحدث بينهم هو ومنه عرفه الان ليس شو أو ترند، متابعا: "اللي بيحصل مش حركة ومحدش هيقدر يجبرني أني اسكت واللي هيجيب سيرة مراتي أكيد مش هسكت حتى لو هو مين".

وتابع: "أنا أخذت قرار نبعد عن بعض وننفصل عشان هي بتحب الفن وبتحبني جدا، وأنا رعيت أنها نفسها في الفن وهي اتأذت بسببي والموضوع كله حمايه لها،ولم اتسرع في الزواج من منه عرفه ومش ندمان، وبحبها جدا، وهي مش ندمانه، وأنا كنت دخلت حياتها ودخلت حياتي وبينا حاجات حلوة لبعض".