شاهد بالفيديو دينا الشربيني عن علاقتها بعمرو دياب: مررت بأوقات صعبة جدا

حلت الفنانة دينا الشربيني، ضيفة على الإعلامية شيرين عرفة، في الحلقة الأولى من برنامج "أدينا بندردش" الذي يتم بثه عبر موقع الصور والفيديوهات «إنستجرام»، وقد تحدثت النجمة دينا الشربيني لأول مرة عن علاقتها بالمطرب عمرو دياب

أكدت دينا الشربيني أنها مرت بأوقات صعبة جدا على مدار 3 سنوات هي عمر علاقتهما، "تعرضت لانتقادات كبيرة وقتها، بس كل اللي كان فارق معايا في الفترة دي أهلي لأنهم كانوا بيضايقوا".

وتحدثت عن عمرو دياب مباشرة قائلة: إنسان محترم جدا وناجح جدا وكانت أيامنا مع بعض حلوة فعلا ولم أعلق على الانفصال لأني مقدرش اتكلم عن حياته بدون موافقته.

تابعت: "أنا في وقت اتضايقت أوي، وقت مهرجان الجونة، تعبت ودخلت المستشفى في الجونة، غير كده مكنتش بقرا اللي بيتقال، أنا أخدت قرار من مشكلة كبيرة حصلتلي في حياتي أني مش عايزة أعرف الناس بتقول عليّا إيه، اللي يفرق معايا بس الناس اللي بيحبوني، مش عايزة أسمع حاجة وحشة".

أضافت قائلة: "أنا شوفت أن ربنا اختارلي أن ده يحصل، وربنا ابتلاني عشان أبقى أقوى، أنا في كل الوقعات اللي في حياتي كل اللي كان فارق معايا أهلي، هما مش هيعرفوا يكملوا وأنا واقعة، وعشان كده بدي الحزن والوجع وقته بس مش بخليه يطول".

https://www.instagram.com/p/Cb5n7B1gEon/

وقالت أن الشائعات جعلتها حاملا من عمرو دياب أربع مرات، والهجوم عليها من السوشيال ميديا كان متواصلا رغم أن أغلب من يهاجمونها لا يعرفونها شخصيا، ولا يعرفون ماذا سيحدث لها لو لم تكن شخصية قوية.

وتحدثت دينا الشربيني عن الحب قائلة: في حب واحد حيفضل معلم في حياتك، لكن مش شرط ده اللى حتكملي معاه حتحبي بعده بس بطريقة تانية أكثر عقلانية.

وردا على سؤال حول دخولها قصة حب جديدة قالت إنها جاهزة لقصة حب جديدة، واضافت: مقدرش أعيش من غير حب

وفي أول تعليق على شائعات غيرتها الشديدة من معجبات عمرو دياب قالت دينا الشربيني: اكتشفت إنني غيورة جدا، مكنتش متخيلة إني كدة.

ومنحت دينا نفسها تقييم واحد من عشرة بمقياس السعادة، وأكدت أن كل تصريحاتها خارج مهنة التمثيل حقيقية وصادقة وقالت: أمثل في شغلي وببقى مصدقة إللي أنا بعمله، بس معنديش طاقة إني أمثل في حياتي.