”الناصر صلاح الدين”.. 59 عاما على أهم محطة إبداعية لـ أحمد مظهر ويوسف شاهين

فيلم الناصر صلاح الدين ---من أهم الأفلام التاريخية في تاريخ السينما المصرية---- وكل عناصر النجاح كانت متوفرة فيه------ وفيلم الناصر صلاح الدين ----كان أهم محطة إبداعية لـ أحمد مظهر ويوسف شاهين

السينما كانت مرتبطة بالتاريخ ارتباط كبير----- ومن أشهر الأعمال السينمائية التاريخية اللي مش ممكن تتنسى "فيلم الناصر صلاح الدين"،--- اللي اتعرض سنة 1963 وتم اختياره ضمن أفضل 100 فيلم في تاريخ السينما المصرية

وبعد مرور 59 سنة على أهم محطة إبداعية لـ أحمد مظهر ويوسف شاهين-----هنعرفكوا مفاجآت جديدة عن الفيلم

..............

فيلم "الناصر صلاح الدين"---- من الأفلام التاريخية الحربية النادرة اللى بتركز على واحد من أهم الشخصيات في التاريخ الإسلامي------- وهو "صلاح الدين الأيوبي"

والفيلم بيوثق لفترة مهمة--- وهي تحرير بيت المقدس من الصليبيين------وفيلم الناصر صلاح الدين---------من أفضل 100 فيلم مصري في التاريخ

وأحداثه بتدور حوالين فترة من حياة القائد صلاح الدين--------وهي فترة الحروب الصلبية ومحاولة صلاح الدين إثبات إن القدس كأرض ومكان مقدس للمسلمين ------والفيلم بيناقش قضية الأرض

وكلنا في طفولتنا كنا بنتعبر اليوم اللي بيتعرض فيه الفيلم ده يوم عيد------ بسبب الحلم الوردي اللي الفيلم ده كان بيسيبه جوانا------ خاصة بعد ما بنشوف فروسية وشهامة صلاح الدين------ اللي راح متنكر لعلاج خصمه----- "ريتشارد قلب الأسد"

فيلم الناصر صلاح الدين أخرجه يوسف شاهين----بعدما قدم قبلها أفلام مهمة---زي باب الحديد- وصراع في الميناء---وصراع في الوادي-- وابن النيل-------وبابا أمين

وهو أهم محطة إبداعية لـ أحمد مظهر -----والمخرج يوسف شاهين

وكل الناس عارفة إن الفيلم ده أخرجه--- "يوسف شاهين" -----لكن اللي محدش يعرفه إن الفيلم ده مكنش من نصيب يوسف شاهين----- وفي البداية المنتجة آسيا------طلبت من المخرج "عز الدين ذو الفقار"إخراج الفيلم

لكن ظروف مرضه منعته من إكمال المسيرة------ فرشح للمنتجة آسيا اسم "يوسف شاهين"،------وتواصلت معته ووافق على إخراج الفيلم

واللي محدش يعرفه إن المرشح الأول لتأدية دور الناصر صلاح الدين----- كان النجم الراحل رشدي أباظة---لكن بسبب وجود خلافات بين رشدي أباظة ويوسف شاهين---- تم إسناد الدور لأحمد مظهر

وإنتاج الفيلم اتكلف 184 ألف جنيه-- وبسببه المنتجة آسيا رهنت عمارتها في وسط القاهرة واتعرضت----- للحجز على أثاث بيتها وشركتها وسيارتها

وبعدها أعلنت إفلاسها -----والدولة كرمتها ومنحتها مكافأة 3 آلاف جنيه----- وجائزة الشرف الأولى من جامعة الدول العربية------وفضلت تسدد ديونها لمؤسسة السينما لمدة 6 سنين

ورغم إنها حاولت إنتاج أفلام تانية---- عشان تعوض خسارتها------- لكن الخسارة زادت وتم الحجز على أملاكها

وزود من أزمتها رفض ترشح الفيلم لأوسكار بسبب ساعة يد حديثة----- كانت فيإيد الفنان أحمد مظهر---وهي من ماركة عصرية مش مناسبة مع زمن الفيلم------ لكن في ناس تانية قالت إن الأخطاء التاريخية هي سبب عدم فوزه

ومن الأخطاء التاريخية اختلاق شخصية فيرجينيا الجميلة------ واختلاق شخصية لويز قائدة الهوسبيتاليين----- وقصة الحب بين عيسى العوام ولويز-----ونهايتها السعيدة هي من المعالجة السنيمائية-----وملهاش علاقة بالتاريخ

بالإضافة لإن إصابة ريتشارد بسهم عربي مسموم من وحي خيال كاتب السيناريو

والمزج بين التاريخ --والحوادث الخيالية في الفيلم مكنش موفق------- وفي وقائع كتير مشكوك في صحتها

ورغم كدة فضل من أهم الأفلام التاريخية في تاريخ السينما المصرية