صفحات التواصل الاجتماعي تطلب الدعاء لـ مصطفي حفناوي بعد تعرضة لجلطة بالمخ

ده مصطفى حفناوى من المقطم من مشاهير السوشيال ميديا ناس كتير تعرفه امبارح كان قاعد مع اصحابه بيضحك وبيهزر عادي .. فجأة حس بمغص في بطنه وألم في كتفه اليمين ، راح المستشفي علي رجله عادي جدا الساعه 1 الظهر تم حجزه
بعد 6 ساعات مصطفي فقد الوعي واكتشفه انه كان متشخص غلط وانه عنده جلطة في المخ .
دلوقتي حصل ضمور تام في الجزء الايسر من مخه وفي اشتباه في شلل نصفي .
اللي يشوف مصطفى هيقول عايش حياته وخروج وسفر والكلام اللي بيتقال بس محدش عارف صوره وسفره وخروجه وراهم ايه
ايه الهموم والمشاكل النفسيه أو الصحيه اللي عنده؟! احنا شايفين الظاهر بس ✋
الكلام ده بينطبق على كل صورة اى حد فينا بينزلها هى مجرد صوره بس وراها قصص كتير اوى
فيه ناس كتير بتظهر الجانب الحلو المضحك الجميل اللي فى حياتها ومخبيين الجانب اللي مليان مشاكل وتعب وابتلائات
الصور اللي انتوا شايفنها دى مشوشه مش حقيقه
الضحكه اللي انتوا شايفنها وراها عياط وتعب وابتلائات ✋
الناس دى كلها بتضحك علشان الصورة تطلع حلوه
الايام دى الحقد والحسد كتر أضعاف زمان !! حرفيا فيه ناس بتحسد بعض على الضحكه اللى مش دايمه وعلى الفلوس اللي بتروح وعلى الصحه اللي مبقتش موجوده
طب الرضا والقناعة اللي اتربينا عليهم راحوا فين والدعوه الحلوه اللي بتطلع من القلب راحت فين ؟!
ادعوله ربنا يشفيه هو وكل مريض سواء اتفقت أو اختلفت معاه ادعيله يمكن ربنا يجعله في ميزان حسناتنا❤️⁩
شفاك الله وعفاك