ذكرى وفاة أحمد الصباحي الذي أعطى صوته في الانتخابات لمنافسه

اليوم ذكرى وفاة "أحمد الصباحي"--- -صاحب الطرائف السياسية --والأفكار الغريبة، ----الذى دخل الانتخابات الرئاسية واتنافس على المنصب الرئاسي مع 9 مرشحين-- وانتخب منافسه

أحمد الصباحي كان مشهور بأفكاره الغريبة--- وقراءته للكف ---وتفسير الأحلام،- وناس كتير عرفته بطربوشه اللي وظل يلبسه الى ان مات ----واعتبر لبس الطربوش جزء من البرنامج الانتخابي في السباق الرئاسي

الشيخ أحمد الصباحي صاحب الوجه العجوز -والطربوش الشهير -ورئيس حزب الأمة عاش حوالي 100 سنة لكن المصريين معرفهوش إلا سنة 2005-ما أعلن ترشحه في انتخابات الرئاسة

"أحمد الصباحي" اتولد سنة 1910 في محافظة الشرقية -واتخرج من جامعة الأزهر--وبدأ حياته العملية كـ محصل في ترام القاهرة في أربعينيات القرن الماضي

وبعدها اشتغل مدرس للتربية الرياضية،----- وشغل منصب مفتش مالي وإداري في منطقة غرب القاهرة التعليمية 1972، -----وأُحيل للمعاش سنة 1975

وانضم لـ حزب العمل،لكن خرج منه- وأسس الحزب اللي اترشح باسمه في انتخابات الرئاسة،- فقرر تأسيس حزب باسم "الأمة" لكن لجنة شئون الأحزاب رفضته،- فرفع دعوى قضائية عشان المحكمة الإدارية تحكم له بتأسيس الحزب سنة 1981

ومن غرائب الحزب إنه كان عايز المصريين يلبسوا الطربوش زي الصباحي بالإضافة لإن من مشروعات الحزب تأسيس مدرسة للحلاقين.

والوزارات اللي كان ناوي يأسسها لو وصل للسلطة، --------وزارة الزكاة ووزارة لمحو الأمية،---------- ووزارة لإحداث توازن بين الأجور والأسعار------، بالإضافة لـ رجوع "عسكري الدرك" -----------من خلال تعيين نص مليون عسكري لحراسة المباني والمنشآت لرجوع الأمان للشارع المصري

أما أفكار حزب الأمة، ----------فمنها الرجوع لمبادئ الإسلام، ---------والصباحي اعتبر إن حزبه حزب إسلامي-------، وقال في تصريحات صحفية أثناء حملته الانتخابية إنه لقب نفسه بـ"خوميني مصر" ---------على غرار الخوميني قائد الثورة الإسلامية في إيران

الصباحي ظهر في مؤتمراته الانتخابية بإطلالة غريبة على المصريين،----------- فكان عجوز جدا، وعمره كان حوالي 95 سنة-------، وكان دايما بيظهر بالطربوش الأحمر اللي المصريين--------- كانوا بيلبسوه في القرن الـ 19 ومنتصف القرن الـ 20 ----------- واتخلوا عنه في العهد الجمهوري بعد ثورة 23 يوليو.