بعد واقعة ضرب عروس الإسماعلية.. برلمانية تطالب بقانون لمنع ضرب الزوجات

استنكرت النائب ميرفت عبد العظيم عضو مجلس النواب، واقعة ضرب عروس الإسماعلية، مطالبا بضرورة إصدار قانون لمنع ضرب الزوجات؛ مردفة: "لأنه للأسف أغلبهم مش هيبلغ ولا هيكبر الموضوع".

وأضافت النائبة عبر صفحتها الرسمية بموقع التواصل الاجتماعي فيس بوك: "انتم مستغربين جدا إزاي العروسة اللي انضربت من عريسها يوم فرحها كملت عادي واتصورت في بيته عادي؟؟ انزلوا وشوفوا للأسف ثقافة ان هذا حق الراجل والطبيعي موجودة وبشكل اقبح مما تتخيلوا.

وتابعت: الاسبوع ده شفت في عيادتي عروسة حامل جديد بتضحك ببلاهة ان جوزها بيضربها بافترا وبالمقشة ولما قلتلها ازاي ده أخته ضحكت ببلاهة اكتر وقالت لما بحاول ادافع عنها بيضربني انا كمان".

واختتمت النائبة: هتحاول تقنعهم إزاي ان ده مش عادي ولا مقبول؟ علموهم يربوا بناتهم الأول انها مش كائن درجة تانية ممكن يتهان ويتضرب ويضحك كمان، باختصار علموا الناس يربوا بناتهم زي ربنا ما قال مش زي ما ثقافة الجهل والتخلف قالت، مرار طافح والله".