بالفيديو.. السيسي ينفعل على الهواء: عشان الكرسي خلوا البلد ”كهن“

قال الرئيس عبدالفتاح السيسي، مخاطبًا وزير النقل: "ليه اللي قبلنا كانوا قادرين يطوروا ويواكبوا التطور في الأربعينيات والخمسينيات"، ليعقب اللواء كامل الوزير: "مفيش إرادة ولا رؤية وإمكانيات"، ليرد الرئيس لالالا قول الحقيقة يا كامل.

وأضاف "السيسي"، خلال كلمته على هامش افتتاح التوسعات الجديدة والتطوير لمصنع كيما للأسمدة، اليوم الثلاثاء،: “أن السبب في ذلك كان التسعير، تسعير التذاكر، لو خط بيتكلف 5 آلاف جنيه علشان يتحرك، وأنا باخد ألف جنيه هفضل ادعمه واستحمل معاه كام سنة لحد ما ينهار مني، أنا بقول الكلام ده لمين، أنا بقوله للمصريين علشان محدش وهو بيكلمكم ويقولك الحكومة مكنتش كويسة ومش عارفين، لا هما عارفين، بس خايفين يزودوا سعر التذكرة"، معقبًا منفعلًا: "خايف حتى لو كانت البلد تخرب يقعد هو ونخرب فيها ونخلي البلد كهن، سكة حديد تعبانة وموانئ وطرق تعبانة، الناس كانت عارفة كويس أن العلاج عايز فلوس".

ويشهد الرئيس عبد الفتاح السيسي، افتتاح التوسعات الجديدة والتطوير لمصنع كيما للأسمدة.

وقال السفير بسام راضي، المتحدث الرسمي باسم رئاسة الجمهورية، إن الرئيس عبد الفتاح السيسي يتفقد صباح اليوم مصنع اليوريا ونترات الأمونيا بمنطقة كيما بمحافظة أسوان، كما يقوم كذلك بتفقد محطة سكك حديد أسوان حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.