فنان شهير يثير الجدل بشأن أحمد العوضي: «عمل ايه عشان البنات تعيش في مُحن»

أثار الفنان محمد التاجي، حالة من الجدل عبر مواقع التواصل الاجتماعي المختلفة،خلال الساعات القليلة الماضية بسبب تصريحاته بشأن أحمد العوضي، بعد ظهوره برفقة الفنانة ياسمين عبدالعزيز على شاشة CBC ببرنامج “معكم منى الشاذلي”.

حيث قال الفنان محمد التاجي، في مقطع فيديو متداول: “حمد لله على سلامتك يا ياسمين.. أنا مش هتكلم أكتر من كده، وأحمد العوضي عمل ايه عشان البنات يعيشو في محنه، ايه يعني أنه واقف جمبها، هو إحنا بنتجوز عشان نسيبهم ونقعد في حتة تانية، شايف أن في شذوذ في الموضوع، انتوا عاملين من الحبة قبة، زي طلاق شيرين كده”.

وتابع حديثه: “مش في عقد، يبقي غصب عنه لازم يقف جمب مراته، وهو لو جراله حاجة هي غصب عنها لازم تقف جمبه، لازم الراجل يقف جمب مراته في أى مِحن من محنها، وكل واحد بيشيل شيلته، لكن ياسمين هي اللي صعبت عليا، اللي اتعمل فيها، أنا مشوفتش لما كانت مع منى الشاذلي، لكن شوفت الـ7 شهور، ووائل أخوها صديقي حتى على الصفحة، وكنت ببعتلها دعمي عن طريقه يعني محبتش أعمل البروباجندا وأكتب أنا واقف جمبك والكلام اللي بيحصل دا”.