عاجل.. وفاة سلمى الزرقاء محاربة السرطان وحزن شديد على مواقع التواصل الاجتماعي لوفاتها

مصروناسها بقلوب حزينة جدا ننعي خبر وفاة سلمي الزرقاء، بعد معركة طويلة مع سرطان العظام واللوكيميا استمرت أكثر من ٦ سنوات.

أصيبت سلمى الزرقاء بسرطان العظام منذ أكثر من ستة سنوات والذي يعد أشرس أنواع السرطان، وتسبب هذا المرض في بتر ذراعها، وأصيبت الزرقاء بانتكاسة منذ حوالي عام نتيجة لإصابتها باللوكيميا وتدهورت حالتها خلال الأيام القليلة الماضية، وطلبت سلمى من متابعيها الدعاء لها لتقاوم هذا المرض اللعين، ليتفاجأ صباح اليوم متابعيها بخبر وفاتها وهو الأمر الذي أحزن الجميع، فقد كانت سلمى تعتبر من أيقونات محاربي السرطان في مصر، وكانت سلمى دائما ما تكتب عبر صفتها على الفيسبوك كلمات تعطي من يتابعها الأمل، فقد حاربت الزرقاء السرطان وبعد عملية البتر أصرت على مناقشة الماجستير وحرصت على تعلم الكتابة باستخدام اليد اليسرى حتى تقوم بالدكتوراه.

وفاة سلمى الزرقاء محاربة السرطان

وفاة سلمى الزرقاء،استقيظ اليوم متابعي صفحات التواصل الاجتماعي على خبر وفاة سلمى الزرقاء محاربة السرطان والتي يتابعها الملايين من مشجعيها على موقع الفيسبوك، وذلك بعد حدوث انتكاسة لحالتها وإصابتها باللوكيميا منذ 10 أشهر وهو الأمر الذي تطلب قيامها بنقل دم حتى تدهورت حالتها وتوفيت في الساعات الأولى من صباح اليوم.

سلمى الزرقاء

في منشورها الأخير على صفحتها الشخصية على الفيسبوك أعربت سلمى عن حزنها لعدم حضور حفل التخرج واستلام شهادة درجة الماجستير التي عملت على دراستها خلال الأعوام الستة الماضية، يذكر أن الزرقاء هي زوجة لإسلام عرفات ابن المحاسب وليد عرفات رئيس نادي سموحة السكندري، وكانت سلمى قد قامت بالشهادة منذ بضعة ساعات على صفحتها الشخصية وكأنها تشعر باقتراب وفاتها، وستكون صلاة الجنازة على الزرقاء في مسجد المواساة وستدفن في مدافن العمودـ، والعزاء يوم غد في عبد المنعم رياض هذا هو أخر ما تم إعلانه من قبل زوجها منذ بضعة ساعات، رحمها الله وجعل مرضها شفيعا لها.

قصة سلمي الزرقاء كاملة

العروسه اللى فى الصورة دي إسمها "سلمي الزرقاء".. بنت مصرية جدعة فى أول عمرها.. بتشتغل فى الأكاديمية العربية..

جالها سرطان فى 2015.. المرض اللى ماسبش بيت فى مصر فى حاله.. "سلمي" بدأت مراحل العلاج والأمور بدأت تتحسن..

بعدها بـ شوية تانيين وتحديداً السنة اللى فاتت المرض رجع تاني وبشكل أشرس، والدكتور أخد قرار صادم ومفاجىء..

لازم يتم بتر الدراع اليمين بالكامل عشان المرض ماينتشرش.. صعوبة تنفيذ القرار فى إن دي الإيد الأساسية لـ "سلمي" واللى بتعتمد عليها فى كل حاجة..

بس للأسف لازم.. بتوافق "سلمي"!.. بيحصل البتر!.. تقعد بقي "سلمي" وتستني وتقفل على نفسها؟..

لأ.. إتعلمت الكتابة من أول وجديد بالإيد الشمال عشان عندها حلم إنها تكمل دراستها الأكاديمية العليا!.. يا بنتي إنتى فى إيه ولا فى إيه!..

لأ.. أنا مش فاضية بلا سرطان بلا بتاع.. أخدت الماجستير، ومكملة عشان قريب جداً هتاخد الدكتوراة كمان!.. سلاح "سلمي" الأساسي فى القصة دى كلها وزى ما هي بتقول كانت القرب من ربنا اللى خلاّها تتحمل أى تعب وتكون واثقة إنه فى النهاية هيغلفها بـ رحمته مهما كان اللى هتشوفه.. ربنا هو اللى فى إيده كل حاجة..

المرض.. الشفا.. التوفيق.. النجاح.. التعدية من أى أزمة حتى لو كانت باينة مالهاش ملامح..

جزء عظيم برضه من الحكاية، وسلاح تاني مهم بيظهر من خلال "إسلام" خطيبها.. الشاب اللى "سلمي" مخطوبة ليه من قبل الإصابة بالسرطان،

واللى لما دخلت فى مرحلة العلاج الأولي قبل البتر فضل متمسك بيها، واللى حتي لما إتأخد قرار البتر بعدها بسنتين فضل برضه متمسك بـ "سلمي" أكتر!..

"سلمي" عظيمة وعندها قوة مش موجودة عند رجالة كتير، و"إسلام" راجل بجد وإنسان عنده أصل.. الكاتب "كلايف لويس"

قال: (الحياة فى جنب الله ليست فى الحصول على حصانة من المحن، ولكن التحلى بالسلام فى أثناءها)..

القُرب من ربنا مش بيخلي الواحد بعيد عن الإبتلاء والمصايب؛ لكنه بيعمل الأهم..

القُرب منه بيبث فى النفوس الراحة والطمأنة والسلام اللى بيسندوا ويرمموا ويصبّروا.. حط معاها بقي شخص يكون سند حقيقي وإتفرج علي نفسك وإنت بتفوت فى الصخر.