هاني شاكر لـ نجيب ساويرس «هو أنا جاي اشتغل دادة والعيان أديله الدواء والمسكين اديله لقمة»

بعد أن أشار رجل الأعمال نجيب ساويرس إلى أنه "لا يعجبه غناء هاني شاكر"، قال الفنان هاني شاكر نقيب الموسيقيين : "أنا ميشرفنيش أنه يسمعني ولا ينفع أصلا أنه يسمعني، لأن اللي بيسمع النوعية دي مينفعش يسمع هاني شاكر، ولا يشرفني أنه يسمعني".

اعترض شاكر على ما ذكره ساويرس خلال مداخله هاتفية مع برنامج الحكاية أن دور النقابة هو العلاج والمعاشات وليس المنع قائلا: "هو أنا دادة..هو أنا جاي اشتغل دادة والعيان أديله الدواء والمسكين اديله لقمة.. إيه الكلام الفارغ ده..اللي ميعرفش حاجة ميتكلمش ويسأل، ودور النقابة أن أنا أحافظ على أعضائها وأني أحافظ على المهنة، وأحافظ على الشكل العام لمصر، ومينفعش نبقى في عصر فيه السيسي رئيس، ويبقى هو ده الفن المتصدر".

وأضاف: "دور النقابة رقابي وفيه تنسيق بيني وبين الرقابة وبين الدكتور خالد عبدالجليل، ومينفعش عضو عندي يطلع يقل أدبه، وده من ضمن القانون بتاع النقابة، أن العضو يلتزم بالآداب العامة والقواعد العامة، لافتا إلى أن حمو بيكا وحسن شاكوش "واحد سقط والتاني عمل فعل فاضح على المسرح".