ريهام حجاج عن جريمة الإسماعيلية: ”انعكاس لهوس السوشيال ميديا”

حرصت الفنانة ريهام حجاج،على التعليق على الحادث المأساوي الذي حدث أمس بمحافظة الإسماعيلية، بعدما أثار غضب الكثير، حيث تداول رواد مواقع السوشيال ميديا مقطع فيديو للحادث، وظهر خلاله رجل يقتل الآخر ذبحًا كما مثل بجثته وسط الأهالي.

ونشرت ريهام حجاج منشور عبر حسابها الشخصي بموقع التواصل الاجتماعي فيسبوك، وقالت: "جريمة الأسماعيلية.. مش حاتكلم كتير علي الفعل الوحشي اللي حصل من حد شوفنا زيه متطرفين ومجانين كتير، أنا اللي مستوقفني بالفعل هو الزمان والمكان، إن ده يحصل في ميدان عام و في عز الضهر.. وقصاد كل الناس دي اللي كانت بتتفرج، والمفزع هو ردود أفعال الناس، رغم إن المصريين معروفين بالشهامة والجدعنة والتدين".

وأضافت حجاج: "طيب لو قلنا إن ما حدش أتحرك عشان اتفزعوا أو خافوا من المجرم.. طيب اللي ماسك التليفون بيصور الجريمة وهى بتحصل هو في إيه ولا في إيه؟ جاب منين القدرة على مسك الموبايل وتصوير المشهد وهو بيحصل.. الفكرة أصلًا خطرت على باله إزاي".

وتابعت حجاج: "بصراحة.. مذبحة الإسماعيلية هي إنعكاس للي وصلناله في هوس السوشيال ميديا اللي تخلي واحد يهمه أنه يصور اللي بيحصل أكتر مايهمه إنقاذ الضحية!! للأسف التكنولوچيا على قد ما أدتنا حاجات على قد ماموتت مشاعرنا وإنسانيتنا، ولسة بيقولك ميتاڤايرال.. أحنا استكفينا تكنولوچيا.. أحنا محتاجين إنسانية وشهامة ومبادئ وطيبة ورحمة وأخلاق وضمير.