مجهولون يطرقون منزل آيتن عامر والفنانة تستغيث

كشفت الفنانة آيتن عامر - عبر حسابها الشخصي على موقع التواصل الاجتماعي فيسبوك - عن موقف مروع حدث لها بعد مشاجرة في الشارع أسفل منزلها، وقيام مجهولون بطرق الباب عليها.

وقالت آيتن عامر ، من خلال حسابها علي فيس بوك: «خناقة تحت البيت أهل الولد اللى كان بيتخانق طالعين يخبطوا على بيتى وفاكرين انه اللى اتخانق مع ابنهم بيشتغل معايا ومخبياه وعايزينى أسلمه ليهم، ومكنش فى حد فى المدخل الوقت ده وطلعوا الدور عندى وتخبط فظيع على الباب وعز للأسف مسافر أخدت الولاد وقفلت عليا باب الأوضة».

وتابعت آيتن عامر : «ومن اللهوجة سبت تليفوناتى برة ملقتش غير الآيباد جمبي ومعرفتش أتصل بحد، فكتبت عشان جمبي يجيلى لحد ما فكرت اطلع البلكونة انده الناس يلحقونى».

وأكملت آيتن عامر: «والحمد لله طلعوا وكله تمام اطمنوا، والناس فهموهم أن مفيش حد أصلا تبعى اتخانق واعتذروا ومشيوا المنطقة فيها رجالة».