فيفي عبده: أبويا وأمي توفوا وهما راضيين عني علشان كده الرضا باين عليا

تحدثت الفنانة فيفي عبده، عن علاقتها بوالدتها، مؤكدة أنها توفيت وهي راضية عنها، حيث اتهمها أشقائها بالتسبب في مرض والدتها وإصابتها بجلطة.

وأضافت فيفي عبده خلال لقائها مع برنامج السيرة تقديم الإعلامية وفاء الكيلاني: أمي ماتت بعد سنين من وفاة والدي، والاثنين توفوا عندي في البيت، وكانوا راضيين عني علشان كده الرضا باين عليا.

وتابعت: فجأة تعبت جالها جلطة في المخ وأخواتي راحوا بيها المستشفى، وحد من أخواتي قال لي أنتي السبب في كده وأنتي اللي وصلتيها لكده، مع إني عمري ما زعلتها، عمري ما رفعت رأسي عليها، كانت تشوف أتخن مخرج تشتمني قدامه علشان تفهمني أنه ما ينفعش أتمنظر علوتابعت: جبت الدكتور قال لي عندها جلطة ممكن تمشي لكن مش هتقدر تتكلم، كنت مقتدرة وقلت هعمل لها أي حاجة علشان تتحسن وأعالجها أحسن علاج، وأخواتي مصممين إني السبب قلت لهم هي قالت لكم أنا عملت ايه قالوا لأ.

وأضافت: جه الدكتور الصبح قال صباح الخير ردت ماما قالت صباح النور يا بني، قلت يا رب تاخدني تاخدها اللي أنت عاوزه المهم إنها رجعت تتلكم، فرحت جدًا، وقلت لها أنتي عارفة أنا مين قالت فيفي حبيبي قلت لها راضية عني قالت لي طبعًا، حمدت ربنا إنه جاب ليا حقي في نفس اليوم، فضلت تسع سنين تدعي لي فيهم وما تقلش لحد غير ماما.

وأردفت: كانت عايشة عندي في البيت، إحنا ست بنات لما أكون مسافرة تقول لهم فين ماما، واتعملت منها الجدعنة.

كما كشفت فيفي عبده أن لديها 5 شقيقات بنات، و6 أخوات من والدها بينتن وولدين، مؤكدة أنهم على تواصل دائم وعلاقتهم جيدة ببعض.