لسه الكابوس طويل يا حبيبي.....إيمان العاصي تنشر صورة نادرة برفقة والدها الراحل وتوجه له رسالة مؤثرة

شعور بالفقدان والألم والحزن أصاب الفنانة إيمان العاصي بعد وفاة والدها منذ فترة، مما جعلها مبتعدة تماما عن أي تجمعات، وبين الحين والآخر تظهر لتكتب منشورا تنعي به والدها.

وكتبت "إيمان" على صفحتها الشخصية بموقع "فيسبوك":

"يا بابا.. هو يعني كدا فعلآ خلاص الدنيا بتاعتك خلصت بجد يعني احنا نروح ونيجي ونخرج ونسافر ونشتغل ونتعلم ونمارس حياتنا وترجع زي ما كنت انت موجود وكأنك ممشيتش.. ازاي طيب يا بابا.. ازاي كدا.. هو فعلآ الدنيا بتمشي زي ما كنت انت بتقول.. ازاي عدم وجودك مغيرش حاجه في الدنيا ازاي.. ليه القطر ماشي موقفش ليه.. الناس بتزقنا في الزحمة مصممين نكمل معاهم.. وكأن مفيش حاجة حصلت.. وكأنك مسبتناش ومشيت؟.. بس إنت مشيت ومش راجع تاني.. لسه الكابوس طويل يا بابا لسه مخلصش يا حبيبي.