محمد هنيدي يتحدث عن منظور النجاح ....الجمهور: أول مرة تتكلم جد ياهنيدي

تحدث هنيدي بجدية مع المتابعين، وهو أمر نادر الحدوث، ليكشف عن وجهة نظره في مفاهيم ومعايير النجاح.

كتب محمد هنيدي عبر صفحته على Facebook: "نتكلم جد .. ماتخليش حد يحطلك مقياس للنجاح في حياتك .. النجاح ممكن يكون بمجموع كبير في كلية وممكن تعمله من غير المجموع ده برده".

أضاف: "النجاح مش بالفلوس ولا بصور إنستجرام اللي ظاهر فيها أنك سعيد وبتصيف كل أسبوع في مكان شكل، ولا أنك عندك فولورز أو قناة يوتيوب كبيرة".

تابع محمد هنيدي: " النجاح ملهوش مقياس لكل الناس، أنت ممكن تكون شغال شغلة بسيطة بس سعيد وراضي وناجح فيها، فكرة أن ناس حصرت النجاح في أشكال معينة وأنك تقتنع بإن ده هو النجاح.. ده اللي هيخيلك عمرك ما هتبقى سعيد".

أكد هنيدي: "النجاح هو أنك تحقق اللي أنت عايزه حسب قدراتك وعقلك ودماغك... مش أنك تحقق اللي الناس عايزاه وشايفاه نجاح، النجاح أنك توصل لسعادة ورضا سواء أنت بقى ملياردير أو اللي جاي على قد اللي رايح".

أاختتم محمد هنيدي مؤكدا: "وعى تحصر فكرة النجاح والسعادة في الفلوس أو في الشهرة ولايكات فيسبوك وانستجرام ومشاهدات يوتيوب، لإنك كدة عمرك ما هتبقى سعيد.