السيسي: الحكومة بتتعذب معايا.. وآي مسئول هيشتغل في الدولة هيتعذب

قال الرئيس عبد الفتاح السيسي، إن الدولة المصرية استطاعت التعامل مع ملف الإسكان، متابعا: "ربنا وحده اللى يعلم.. احنا قاعدين نشتغل.. والحكومة بتتعذب وهتتعذب معايا.. وآى مسئول هيشتغل في الدولة هيتعذب.. العذاب مش هدف.. ظروف بلدنا بتطلب أننا نتعذب لها.. حتى نحول حياة الناس والبلد من لا دولة إلى دولة.. الدولة اللى فيها عشوائيات مش عايشة وملهاش مستقبل.. الشخصية اللى هتطلع في حياة بالطريقة دى مش هتطلع سامحونى اقلكم دى شخصية سوية وقادرة على العطاء".

وأضاف الرئيس السيسى، خلال كلمته في افتتاح مشروعات سكنية متنوعة من مدينة بدر: "تفتكروا 3-4 ملايين أسرة لما نطور حياتهم بشكل كامل.. ده برنامج ممكن يدخل في أكثر من تريليون جنيه "ألف مليار".. الدعم في 10 سنين 3 تريليون.. الفلوس موجودة لازم تتنظم".

وأضاف خلال كلمته بافتتاح عدد من المشروعات السكنية بمدينة بدر: "كل الناس تستقبل كلامى إني باختار الطريق الصعب أوى.. لو اخترت الطريق السهل كنت سبت الغلابة كدا.. وكنت زودت الدعم والتموين وخلاص، وبقول مكلش وأعيش بالشكل الآدمى المحترم اللى بنتكلم فيه وبتكلم في قضايا مصر عليها، مش عشان وجهة نظر.. لا قعدت 50 سنة أدرسه وأقول ليه البلد دى كدا؟.. ولازم البلد تتغير وأهلها يعيشوا.. وبجيب أمثله وأختار التوقيات اللى بكلم فيها الناس".