أحمد ميلانو ردً على زوجته سارة ”صرفت عليكي كتير وعايزة تحبسيني”

بعد استغاثة ساره زوجة أحمد ميلانو علي مواقع التواصل الإجتماعي "بأنه سوف يقتلها وأنه فطرها في نهار رمضان وطلبت الطلاق رد "أحمد ميلانو" علي زوجتة سارة قائلا:

مين اللي بيدور علي مواقع الاخبار والجروبات ويفضل يبعتلها ويبقي تريند بالفضايح !!

ومين ساكت ومش عايز يتكلم عن كل مصيبة حصلت بسببك !!

انا راجل بتاع عربيات مش مهتم ابقي تريند عن طريق مشكلة اسرية !! زي ما انتي بتقولي ! انتي بتقولي علي نفسك شخصية عامة .. ياستي ربنا يكرمك وتبقي اشهر من ابلة فاهيتا .. لكن مش علي حساب اسمي وسمعتي !!

زوج يطلب من زوجته "شيليني من دماغك"

وقائل ايضاً "يابنت الحلال شيليني من دماغك.. اقسم بالله انا ولا باعتلك ناس ولا نيلة والاكاونتات دي ماعرفهاش اصلا !! ومش عندي في ال friends .. الناس دي اكيد جاتلك من بوست الوطن نيوز والمواقع الإخبارية وكل جروبات مصر اللي شردتيني فيها .. ماتلبسينيييش نتيجة افعالك !! وانا عمري ماهأذييكي في شغلك ولا ممكن افكر في دة .

علشان انا مش بالسؤ والقذارة دي..كفاياكي سؤ ظن.

زوج لزوجته "ارميني وراكي انا وحش جدا"

وقال ايضا:"انا ماجبتش سيرة حد..راجل رديت علي كل كلمه اتقالت في حقي ولا فضحت ولا شهرت ولا قولت اسرار بيت ..

انا رد فعل ليس اكثر ولا اقل..مش عايز اعرف عنها حاجة . اقسم بالله ماعايز اعرف حاجة عنك . قولي اللي تقوليه عليا مابقاش فارقلي خلاص !.

وانا ياستي ولا عايز انتصر ولا نيلة ..هي مش حرب زي مابتقولي ! انسي احمد دة خالص ارميني وراكي انا وحش جدا جدا وما استاهلكيش اساسا ..انتي زي الفل واهلك زي الفل ..وانا وحش وعيلتي اللي عيبتي فيهم من اصغرهم لاكبر حد فيهم ناس وحشة !! .. عايزة حاجة تاني !! واحنا مسامحينك ياستي .

خسارتي جاية في فلوس .. هاتخسرينى شقي عمري وتستحلى فلوسي .. عوضي علي الله ربنا يرزقني ..وقعة الشاطر بألف.. ربنا يصلح حالك وحالنا ويرزقك بحد احسن مني ..

زوج ينشر صور رحلات وخروجات وأماكن سهر مع زوجته: "صرفت عليكي كتير وعايزة تحبسيني"

ورد قائلا: "الصبح تسيب فلوس تجيب حد ينضف علشان ماتتعبش مراتك وهوب تحبسك بالليل .

اول ماتدخل من باب البيت تطلب ٢٨٠٠ جنيه صرفتهم علي الولد في اسبوع وهي مع اهلها في اسكندرية وبعد ماخدتهم هوب تفتعل خناقة وتطلع تصوت علي السلم وتخبط علي الجيران ونصاية تلاقي الشرطة عندك واهلها عندك ويتقال دة ضربها !!! وتحبسك عادي جدا وهي ولا في الدماغ .تتحبس عادي جداا وهي يجيلها نوم عادي جدا .. وتتصور وانت بتركب عربية الترحيلات !!

زوجة تضع شوك الصبار لزوجها في مخدات ومرتبة السرير

وتاني يوم ترجع من الحبس بعد اهانة وقلة قيمة..تلاقي اوراقك مسروقة وكل مقتنياتك الغالية وفلوسك مسروقة وعربيتك مفتوحة بالمفتاح الاحتياطي وكل حاجة جواها مسروقة .. وهدومك كلها متاخدة واللي فاضل منها متقطع ومرمي عليه كلور !! ولاب توب ب١٠ آلاف جنيه متكسر والبرامج االي عليه بتاعة شغل تمنها حوالي ٢٥ الف !! واجي انام مش عااارف وعمال اهرش .. الهانم حطالي شوك صبااار. !! اقسم بالله شوك صبار في المخده والمرتبة وجوا الكوتشي وأستك البنطلون !!!

انا يوميا علي الله طلبات البيت والولد كلها مجابة .. ماكنتيش بتشتري رغيف عيش من الشارع. عايشة هانم

وفي الاخر مش بيصرف وبيجيب ب٥ جنيه جبنة رومي وهو جاي !!!! الجبنة الرومي اللي كانت بتتجابلك مخصوص من شبرا بالاتنين كيلو !!

انا نزلت حاجات بسيطة كدة اللي هي لبن وشوية حاجات عبيطة مانزلتش باقي تفاصيل مصاريف البيت !!!

فمتقوليش مابيصرفش علشان عيييب وتقولي ابوكي خيره عليا وبيصرف علينا من مصروفك علشان مصروفك دة عارفة كنتي بتجيبي بيه ايه !! .. اتقي الله وعيييييب

اسف جدا اني انحدرت للقرف دة واضطريييت غصب عني للاسف الشدييييد اكتب وانزل كل التفاصيل علشان ادافع عن نفسي وكرامتي اللي هانتها في كل مواقع الاخبار ..انا مايتقالش عليا مابصرفش علي بيتي

بفضل الله احط صباعي في عين التخين ماحدش ليه فضل عليا في حاجة.

ماحدش يغلط فيها بأي شكل من الاشكال .. ماحدش يكتب اي كومنت مسيئ ليها .. انا حزين جدا اني نزلت الكلام دة انا رديت عليكي ليس اكثر ولا اقل مجرد رد علي اللي قولتيه عليا ووصفتيني بيه.

سارة : مصرفش عليا مليم من ساعة ما اتجوزنا

وأوضحت «سارة» أنها منذ أن تزوجت، لم تكن تستطيع الحصول على أي مصروف من زوجها، ولكنها كانت تعتمد على وظيفتها ومصروفها من والدها، كما أنه كان يحرص على استخدام سيارتها قبل بيعها لتوفير مصاريف البنزين.

وأشارت «سارة» إلى أنها في رمضان الماضي كانت تذهب لحضور بعض الدروس الدينية، ما جعلها تحير وجبات لإفطار الصائمين، ولكنها لاحظت رفضه لذلك بشدة، كما كان يحاول إجبارها على الإفطار في نهار رمضان لممارسة العلاقة معها.