بعد إعلان توبتها هجوم على حلا شيحة

هجوم كبير على الفنانة حلا شيحة بعد أن نشرت بوست عبر حسابها على تطبيق الصور «إنستجرام»، والتي إنتقدت فيها تامر حسني ، أعلنت فيها توبتها عن المشاهد التي قدمتها في فيلم «مش أنا» على حد تعبيرها.

هجوم على حلا شيحة: «كفاية تناقض»

قالت إحدى المتابعات: «أنت متناقضة جدا»، بينما علق آخر: «يا ريت زي ما الناس مجبرة تحترم تقلباتك والتردد المستمر في قراراتك تحترمي اختيارات الآخرين وماتحكميش عليهم»، وأضافت متابعة: «هو تامر خلاكي تمثلي معاه بالعافية ما ليكي أفلام كتير ومشاهد زي اللي في الكليب وبتشتغل وبتتعاد عادي اشمعنا بتتكلمي مع تامر». ووجه لها البعض اللوم على منشورها الآخير، فقال متابعة باسم منة: «هو أنت ليه مش بتتحملي عواقب أفعالك ودايما لازم تلومي غيرك».

هاجمت الفنانة حلا شيحة الفنان تامر حسني وصناع فيلم «مش أنا»، وكتب شيحة في منشور عبر حسابها على «إنستجرام»، «أنا اتفاجئت جدا بنزول كليب يجمع مشاهد متفرقة من الفيلم في أيام ذي الحجة المباركة وخصوصا بعد آخر بوست نزلته وضحت فيه أنا إيه، واتفاجئت أكثر خصوصا بعد وعد تامر حسني ليا وتأكيده أنه هيحترم رغبتي وبعض الطلبات اللي طلبتها منه بكل احترام وود الصيف اللي فات، وأكدلي أنه هيحترم رغبتي».

حلا شيحة: كليب «بحبك» ميرضيش ربنا

وأكدت أنها شعرت بالحزن بسبب الكليب الذي وصفته بـ «ميرضيش ربنا»، متابعة: «بتكلم من قلبي الكليب ده ميرضيش ربنا.. وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط، أنا مش هتكسف أنا تبت من المشاهد دي وهي لا تصح وأنا غلطت وبصلح، والفن بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن».

ووجهت رسالة لتامر حسني: قائلة: «الفيلم عمل إيرادات ونجح بمقاييس الدنيا، بس لم ينجح بمقاييس الآخرة، استغفر ربنا يا تامر وتوب عن اللي انت أفيه وأفتكر لما قولت أنا عايز أموت وأنا مش مطرب».