تعرف على طريقة عمل كفتة الأرز باللحمة الجملى

المقادير .....
نصف كيلو لحم مفروم جملى
اتنين كوب ارز مصري مغسول ومنقوع
ملح
فلفل
بصله متوسطه
اربع فصوص ثوم
بقدونس وشبت وكسبره خضراء
رشه قرفه
كسبره ناشفه
كمون
رشه كبابه صينى

الصوص :
لتر عصير طماطم
اتنين ملعقه كبيره صلصه طماطم
مكعب مرق لحم او مرق لو عندك لو مفيش مرق زودى لتر ماء بعد تسيبك الصوص
معلقه كبيره ثوم مفروم
رشه سكر
ملح وفلفل
كمون وكسبره ناشفه
رشه جوزه الطيب

ممكن نقطع واحده بطاطس مكعبات نضيفها معاها
زيت وزبده للصوص
زيت لتحمير الكفته

الطريقه ????
نصفى الرز المنقوع كويس جدا ونخلط معاه التوابل والخضره والبصل والثوم
واللحمه المفرومه ممكن نعملها فى الكبه بس ننعمها اوى أو نعملها عند الجزار
انا عملتها عند الجزار
جبت الكفته عجنتها تانى كويس جدا ودخلتها التلاجه ترتاح ساعه
بعد كده شكلتها اصابع وحمرتها فى الزيت
عملت الصوص
حمرت الثوم فى الزبده والزيت لحد ما بقى دهبى نزلت بصلصه الطماطم وعصير الطماطم ورشه السكر والبهارات وسيبتها تتسبك زودت ميه وتركتها تغلى شويه نزلت حبايه البطاطس فى الصوص والكفته سببتها عشر دقائق بس على نار هادئة بالهنا والشفا.