تعرف على طريقة عمل تورتة المانجو

المقادير:
الاسبونج كيك:
٨ بيض مفصولين
كوب سكر
٢ كوب دقيق منخول ٣ مرات
١/٣ كوب زيت
معلقة بيكنج بودر
رشة ملح
فانيليا
٢ معلقة صغيرين خل

للحشوة والتزيين:
٤ مانجات كبار
كريمة حلويات سايلة
كريم شانتيه
نصف كوب عصير مانجو

الطريقة:
نفصل الصفار عن البياض ده في بولة وده في بولة ونحط علي كل واحد منهم فانيليا ومعلقة خل صغيرة ورشة ملح ونجيب كوب السكر نحط هنا نصف الكوب وهنا نصف الكوب التاني بالمضرب الكهربا نضرب في البياض لمدة ٨ دقايق لحد ما البياض يبقي لونه ابيض ويتضاعف ونضرب في الصفار لمدة ٧ دقايق لحد ما يبقي زي المايونيز وبعد كدة نجيب الصفار نحطوا علي البياض ونقلب من تحت لفوق لحد ما يختلطوا ونحط الزيت ونقلب ونجيب الدقيق ونكون حاطين عليه البيكنج بودر ومقلبينوا ونحط جزء جزء ونقلب من تحت لفوق في اتجاه في اتجاه واحد لحد ما يختلطوا كويس ونجيب صينية نكون دهنينها كويس ونحط الخليط ونحركها كدة بايدينا وندخلها الفرن علي درجة حرارة ١٨٠ لمدة نصف ساعة بعدها نطفي الفرن ونفتح الباب ونسيبها عشر دقايق تهدي ونطلعها نحطها علي الرخامة تبرد ونقلبها علي شبكة لمدة ٣ ساعات بعد كدة نقطعها نقسمها ونجيب جيلي مانجو مدوبينوا في مياه ونشرب الكيك بمعلقة بس مش كتير ونجيب الحشوة الكريمة نحطها ونحط عليها مكعبات مانجو ونحط علي المانجو كريمة تاني علشان جزء الكيك اللي فوق ميتحركش وونغطي الكيك بكل الكريمة ونساويها ونشيل الزيادات ونزينها بالمانجو التزيين الشكل اللي تحبوه ونحطها في الثلاجة تسقع وبالهنا والشفا.