كلمات اغنية صوت بجع ”شاهين“

سيبوني عايزين مني إيه
مابقاش عندي اللي أزعل عليه
و انا اشيل طاجن ستي ليه
يا عالم هنموت امتي و فين

سيبوني عايزين مني ايه
مابقاش عندي اللي ازعل عليه
و انا اشيل طاجن ستي ليه

يا عالم هنموت امتي و فين

لو وجودي معصبكوا
لو يعني مأرقكوا
انتوا في حالي مش حالكوا
ألفلكوا سجارة أصبحكوا
نمت صحيت لقيتها والعة
وانا اصلا جاي العب
دا حتي صوتي صوت بجع
و عندي صاحب مش جدع
لما يعدي ميت سنة
لو عملت فلوس جبل
برضه لوحدي هدفن
مش هيفرق مين انا
روحت دبي و سيبتها
و الوظيفة سيبتها
والبنت دي كمان سيبتها
مع اني كنت بحبها
ابويا مات بس انا
مفيش مكان للمسكنة
لسة الحديد بيتني
مهما ضهري بيتحني
هنا مفيش مرتبة
هنا النوم في الخلا
هنا العضم دة إستوي
هنا الدنيا فهلوة
هنا غرز غرز غير قابلة للإلتئام
فمفيش اي شئ هنا مثير للإهتمام
كله تقضية واجب
مفيش ملذات
هنا الحق بيتقال
هنا مفيش مجاملات
صاحبي انا مليش خلق
فطز فيك و في الكل
و اللي يصدقك ده دهل
هسيبكوا انا و اروح ارول
هنا كله طبيعي
ناس تروح و ناس تيجي

و انا ماشي في طريقي
محدش فيكوا زميلي

فا سيبوني عايزين مني ايه
مابقاش عندي اللي ازعل عليه
و انا اشيل طاجن ستي ليه
يا عالم هنموت امتي و فين
سيبوني عايزين مني ايه

مابقاش عندي اللي ازعل عليه
و انا اشيل طاجن ستي ليه
يا عالم هنموت امتي و فين فين فين

عندي قلب و مابديش حب
عواطفي ماتت النهاردة الصبح
لا لا لا لا لا لا ده مش قبح
(بكح)
مستبيع
طاقة سلبية كافية
تهد الجبال في آسيا
بس رجلي هنا في مياة دافية
دي فانتازيا
ابقوا احضروا عزايا بالوان زاهية
اصل عادي كلنا أرواح ماشية
الملك فينا و الحاشية
عارف اني مختلف
و طول عمرهم بيضحكوا عليا
وإحنا بنخاف من الاختلاف
و كلهم زي بعض مفيش هوية
مفيش حرج
في الاخر كلنا بنخرج نفس القذارة من فتحة الشرج
اسف بجد انا اسف ع القرف

بس ذهني مش صافي
نجم مضلم نوري طافي
برشكوا بماية زي المطافي
وانا ماسك أحد أطرافي

فا سيبوني عايزين مني ايه
مابقاش عندي اللي ازعل عليه
و انا اشيل طاجن ستي ليه
يا عالم هنموت امتي و فين
سيبوني عايزين مني ايه
مبقاش عندي اللي ازعل عليه
و انا اشيل طاجن ستي ليه

يا عالم هنموت امتي و فين فين فين