7 نصائح للصيام مع كورونا...كل واحد في طبقه

الدكتور عبدالهادي مصباح أستاذ المناعة يوجة بعض النصائح للمواطنين للوقاية من فيروس كورونا المستجد خلال شهر رمضان المعظم، وذلك خلال اللقاء الأسبوعي مع الإعلامي عمرو خليل في برنامج «من مصر» المذاع عبر فضائية «CBC».

1- «لازم الناس تلتزم بتعليمات الحكومة ومتضايقش، لأن طول ما فيه كورونا في أي حتة في العالم انت في خطر، حتى لو كنت في أي مكان تاني، ولك أن تتخيل إن بلد زي كندا مفيهاش ولا سلالة من اللي في الصين وكلها سلالات جديدة».

2- «الفيروس طول ما بيتكاثر طول ما بيحصل له طفرات طول ما انت في خطر، حتى لو أخدت التطعيم، وممكن جدًا يبوظ لك زي اللي بلاعب التاني ريست، ودايما ينزله وفجأة تلاقيه جابه الناحية التانية، واحنا مع الفيروس كده واحنا بنحاول نهزمه».

3- «لازم الناس تبعد عن الأماكن المقفولة، وأتمنى ان الناس اللي بتحب العزومات في رمضان لو مضطرين يلبسوا داخل البيت كمامات وميتجمعوش في مكان واحد، وكل واحد ياخد أكله في طبقه ويكون مكان جيد التهوية».

4- «الصيام في حد ذاته بيقوي المناعة، والأبحاث كلها بتأكد ذلك».

5- «المعدة بيت الداء، ولو عايز تبوظ كل أجهزة جسمك متنفذتش حديث ثلث لطعامك وثلث لشرابك وثلث لنفسك، هتلاقي الأمور كلها باظت في جسمك».

6- «متلازمة ما بعد كورونا تستمر لمدة 6 شهور، ويمكن أن تظهر في صور انعدام التذوق وتكسير في الجسم وصداع وأعراض نفسية».

7- «اللقاحات مهمة جدًا، وكل لما بناخد لقاح بنضيق على الفيروس الخناق، عشان منديلوش فرصة يجي له طفرات تاني».