وزير العدل تسجيل الوحدة السكنية في الشهر العقار بعد مرور 15 عاما

قال المستشار عمر مروان، وزير العدل، إن أي شخص يريد تسجيل وحدته السكنية في الشهر العقاري، ومعه ملكية مسجلة، «ييجي جاهز بالملف بتاعه مرة واحدة ونقوله تعالى بعد أسبوع أو اسبوعين أو ثلاثة استلم إشهار الشهر العقاري»، ولكن هناك في نفس الوقت أشخاص يمتلكون الوحدات السكنية بأوراق عرفية أو موروثة عن آبائهم.

وأضاف «مروان»، خلال مداخلة هاتفية في برنامج «الحكاية»، مع الإعلامي عمرو أديب، الذي يُعرض على شاشة «MBC مصر»، أنه في الحالة الأخيرة هناك طريق آخر نسير فيه من أجل توثيق الشقة، وهو تقدم الشخص لـ«إثبات ملكية وضع يد» وذلك بعد مرور 15 عامًا على وجوده في الوحدة السكنية.

وأشار وزير العدل، إلى أنه حتى لو كان الشخص لم يمر على وجوده في الوحدة سوى 3 سنوات، لكن والده ومدة سلفه وصلت لـ 15 سنة يتم عمل إثبات ملكية وضع يد، «لو الشخص قعد في الشقة من 3 سنين وأبوه كان فيها من 12 سنة بنضم المدة ونقوله صح، الأمر ده موجود ومش جديد على الناس، بس الناس تلجأ للطرق القانونية».

وتابع: «الشخص يقدم ورق يثبت أن العداد موجود من 15 سنة سواء باسمه أو باسم والده أو حد من أسرته أو فاتورة التليفون، وقتها نعمل ملكية وضع يد، وتتسجل شهر عقاري، ودي مش هيدفع فيها 2.5%، لأن في الحالة دي مفيش بائع، أنا بحقق له وضع يد أنه قاعد في العقار، بس دلوقتي حتى لو فيه بائع مش هيسألك على الـ 2.5% تصرفات».